O alumnado
de 6º de EP realizou este mural que leva por título "Coidamos a nosa
saúde!"
Nel
rotulamos e decoramos 10 hábitos necesarios e imprescindibles para o coidado
diario da saúde e o benestar.
1 hora de
exercicio diario.
2 litros de
auga a diario.
3 abrazos.
4 froitas e
verduras diarias.
5 comidas
saudables ao día.
6 cancións
que che inspiren.
7 minutos de
risa.
8 horas de sono.
9 páxinas
dun libro.
10 minutos
de reflexión.
A semana do 24 ao 28 de maio e a semana do 31 de maio ao 4 de xuño levarase a cabo o 2º período do reparto de froita (10 días lectivos consecutivos) para todo o alumnado do centro.
A orde das entregas da semana do 24 ao 28 de maio será a seguinte:
- Luns 24: albaricoque
- Martes 25: peladillo
- Mércores 26: pexego
- Xoves 27: paraguaio
- Venres 28: melón
A semana do 31 de maio ao 4 de xuño repartiranse as seguintes froitas:
- Luns 31: albaricoque
- Martes 1: cereixas
- Mércores 2: melón
- Xoves 3: peladillo
- Venres 4: paraguaio
Neste 3º trimestre, na materia de Valores Cívicos e Sociais, estamos traballando sobre a defensa do medio ambiente e a nosa implicación no seu respecto, co alumnado de 1ºEP.
Despois de ler un conto para poñernos en situación, concretamente "Mek, a semente", achegámonos ao noso invernadoiro para plantar os amorodos e os ravos que con anterioridade sementaramos.
Que ben o pasamos alí!
Podedes ver o vídeo aquí ou a través do código QR
O Día Mundial da Saúde celébrase o 7 de abril. Esta data é unha conmemoración creada para lembrar a fundación da Organización Mundial da Saúde no ano 1948.
Todos os anos elíxese para esta xornada un tema de saúde específico a fin de destacar unha área relacionada co coidado da nosa saúde. Este ano abordouse o tema de "construir un mundo máis saudable e xusto".
Os rapaces e rapazas do CEIP de Arzúa traballamos e aprendemos máis sobre esta conmemoración e elaboramos este mural que leva por título "Hábitos saudables".
Cada aula rotulou e decorou un destes hábitos saudables tan necesarios para o coidado da nosa saúde:
- "Móvete"
- "Comprando ben, comemos mellor".
- "Un almorzo saudable".
- "Froitas e verduras, 5 porcións ao día·".
- Desfruta da familia e dos amigos/as".
- "A auga é fundamental, bebe moita auga para non estar mal"
- "Eu estiro, tí estiras... nós estiramos".
- "Desconecta"
- "Planifica os teus menús saudables·".
- "Coidamos da nosa autoestima".
- "Xoga moito para medrar en saúde".
- "Medita e reláxate".
Tendo en conta que o día 7 de abril se celebrou o día Mundial da Saúde, quixemos traballalo en cada aula de xeito particular dado a importancia de manter e mellorar a saúde dos nenos e nenas mediante a promoción de hábitos saudables, a prevención de accidentes que se poden producir no ámbito escolar. O noso obxectivo dende o ámbito escolar é a necesidade de fomentar a adquisición de coñecementos, que potencien o desenvolvemento dos nenos/as para elixir estilos de vida sa.
Para comezar a
nosa andaina e afondar neste tema os nenos/as de 5 anos visualizaron un vídeo
documental sobre a saúde e a importancia de escoller ben os alimentos para a
nosa dieta diaria:
Rematado o vídeo
realizamos unha choiva de ideas acerca do que que visualizamos no mesmo e foron
xurdindo preguntas como:
“por que os ovos
non se poden comer todos os días?”
“eu tomo leite
todas a mañás, iso non é bo?”
“a min gústanme
moito as chuches, non as poido comer todos os días?”
“que son as
proteínas?”
“o peixe onde
temos que colocalo entón?”
Cando rematamos a
choiva de idea e respostamos entre todos a esas cuestións iniciais, era o
momento de poñernos mans á obra. Proporcionamos aos nenos/as a imaxe en 3D
dunha pirámide, recortárona e pegaron os seus ladiños.
Logo buscamos nos folletos do supermercado os alimentos que tiñamos que poñer en cada un dos peldaños da nosa pirámide.
Collemos tesoira e pegamento e puxémonos a buscar:
Finalmente.... A
nosa pirámide está lista para levar as casiñas.
Tendo en conta a participación do noso centro, por terceiro ano consecutivo, na subministración de leite líquido e dando resposta aos obxectivos do programa Aliméntate ben:
- Coñecer o leite como un alimento básico e completo que intervén na nosa alimentación.
- Potenciar o consumo de leite como o máis completo e equilibrado dos alimentos.
- Coñecer o proceso do leite e os seus derivados.
- Coñecer os beneficios do leite para os ósos, os dentes, os músculos...
os nenos e nenas de 5 anos B, o luns 1 de marzo, escoitaron o conto dos Bolechas titulado:
" Os Bolechas visitan unha granxa de leite"
A granxa que visitan é a da familia da súa amiga Flora. Flora convídaos a queixo de distintos sabores, pois ela é tola polo leite e os produtos lácteos. As vacas da granxa da familia de Flora son de raza frisoa. Son brancas con pintas negras. As vacas frisoas dan moito leite, miles de litros ao ano cada unha delas!
O que máis lles chamou a atención aos nenos e nenas foi que as vacas de granxas levan dous "pendentes". Son como a matrícula dos coches. Cada vaca ten a súa matrícula.
Pero... para que levan "pendentes" as vacas?
Pois para saber quen é cada vaca. Polo código de barras, as letras e os números dos "pendentes" sabemos moitas cousas:
No segundo trimestre e relacionándoo co tema de este curso :MEDIO AMBIENTE E SAÚDE" na aula de 3 anos traballouse o proxecto "COÑEZO O MEU CORPO", no que se traballaron as principais partes do corpo, as nosas diferenzas e a importancia dunha boa alimentación e boas prácticas deportivas para mantelo forte e san.
Durante esta semana traballamos as partes da cara a través dun xogo que nós mesmos fixemos e co que agora podemos practicar e xogar á vez que aprendemos:
O NOSO PROPIO ROMPECABEZAS COAS PARTES DA CARA.
Con esta actividade traballamos ademais a igualdade , xa que cada un/ha o coloreou ao seu gusto saíndo cousiñas moi diversas que nos axudou a traballar as nosas diferencias e a fomentar o respeto por tod@s e cada un de nós.
Ademais estamos aprendendo o baile dunha canción que nos gusta moito!
Movemos o noso corpo todos os dias para estar en forma e manternos fortes e sans!
