ODía Mundial da Saúdecelébrase o7 de abril.Esta data é unha conmemoración creada para lembrar a fundación daOrganización Mundial da Saúdeno ano 1948.
Todos os anos elíxese para esta xornada un tema de saúde específico a fin de destacar unha área relacionada co coidado da nosa saúde. Este ano abordouse o tema de "construir un mundo máis saudable e xusto".
Os rapaces e rapazas do CEIP de Arzúa traballamos e aprendemos máis sobre esta conmemoración e elaboramos este mural que leva por título "Hábitos saudables".
Cada aula rotulou e decorou un destes hábitos saudables tan necesarios para o coidado da nosa saúde:
- "Móvete"
- "Comprando ben, comemos mellor".
- "Un almorzo saudable".
- "Froitas e verduras, 5 porcións ao día·".
- Desfruta da familia e dos amigos/as".
- "A auga é fundamental, bebe moita auga para non estar mal"
Tendo en conta
que o día 7 de abril se celebrou o día Mundial da Saúde, quixemos traballalo en
cada aula de xeito particular dado a importancia de manter e mellorar a saúde
dos nenos e nenas mediante a promoción de hábitos saudables, a prevención de
accidentes que se poden producir no ámbito escolar. O noso obxectivo dende o
ámbito escolar é a necesidade de fomentar a adquisición de coñecementos, que
potencien o desenvolvemento dos nenos/as para elixir estilos de vida sa.
Para comezar a
nosa andaina e afondar neste tema os nenos/as de 5 anos visualizaron un vídeo
documental sobre a saúde e a importancia de escoller ben os alimentos para a
nosa dieta diaria:
Rematado o vídeo
realizamos unha choiva de ideas acerca do que que visualizamos no mesmo e foron
xurdindo preguntas como:
“por que os ovos
non se poden comer todos os días?”
“eu tomo leite
todas a mañás, iso non é bo?”
“a min gústanme
moito as chuches, non as poido comer todos os días?”
“que son as
proteínas?”
“o peixe onde
temos que colocalo entón?”
Cando rematamos a
choiva de idea e respostamos entre todos a esas cuestións iniciais, era o
momento de poñernos mans á obra. Proporcionamos aos nenos/as a imaxe en 3D
dunha pirámide, recortárona e pegaron os seus ladiños.
Logo buscamos nos
folletos do supermercado os alimentos que tiñamos que poñer en cada un dos
peldaños da nosa pirámide.
Collemos tesoira
e pegamento e puxémonos a buscar:
Finalmente.... A
nosa pirámide está lista para levar as casiñas.
Tendo en conta a participación do noso centro, por terceiro ano consecutivo, na subministración de leite líquido e dando resposta aos obxectivos do programa Aliméntate ben:
- Coñecer o leite como un alimento básico e completo que intervén na nosa alimentación.
- Potenciar o consumo de leite como o máis completo e equilibrado dos alimentos.
- Coñecer o proceso do leite e os seus derivados.
- Coñecer os beneficios do leite para os ósos, os dentes, os músculos...
os nenos e nenas de 5 anos B, o luns 1 de marzo, escoitaron o conto dos Bolechas titulado:
" Os Bolechas visitan unha granxa de leite"
A granxa que visitan é a da familia da súa amiga Flora. Flora convídaos a queixo de distintos sabores, pois ela é tola polo leite e os produtos lácteos. As vacas da granxa da familia de Flora son de raza frisoa. Son brancas con pintas negras. As vacas frisoas dan moito leite, miles de litros ao ano cada unha delas!
O que máis lles chamou a atención aos nenos e nenas foi que as vacas de granxas levan dous "pendentes". Son como a matrícula dos coches. Cada vaca ten a súa matrícula.
Pero... para que levan "pendentes" as vacas?
Pois para saber quen é cada vaca. Polo código de barras, as letras e os números dos "pendentes" sabemos moitas cousas:
Quen son os seus donos.
Onde vive?
Canto leite dá.
Se estivo enferma e que medicamento tomou.
E claro...as vacas comen todos os días, tamén os sábados e os domingos, e os días de vacacións.
Aquí temos a comida das vacas:
Pero as vacas, igual ca nós tamén necesitan descansar, botar unha sesta e estar cómodas.
Tamén é moi importante a saúde das vacas, tamén necesitan que as vexa o "médico", como a nós.
Os "médicos" das vacas son os veterinarios e veterinarias. Mirade o que fan:
ONDE SE FABRICA O LEITE?
A CENTRAL LEITEIRA
ALIMENTOS QUE SE FAN CO LEITE
O LEITE É BO PARA A NOSA SAÚDE
Logo de facer esta visita, os nenos e nenas fixeron unhas actividades:
- Pintarlle as pintas á vaca frisoa.
- Marcar cantos tetos teñen as ubres das vacas e debuxalos.
O programa “Aliméntate ben” quere promover hábitos saudables na comunidade escolar a través de dietas equilibradas, e utilizando produtos de calidade que garantan unha nutrición e desenvolvemento axeitados. En consonancia con este programa, no que participa o CEIP de Arzúa, o alumnado de 1º EP, desenvolveu unha actividade transversal para familiarizarse co consumo diario de alimentos saudables que conforman a roda alimentaria.
Para desenvolver a actividade, comezamos pintando todos e cada un dos alimentos que aparecen representados na roda, despois recortámolos e fómolos pegando nun prato dividido en sete porcións de diferentes cores e tamaños. Xa rematada a parte práctica, comentamos o porqué dunha roda alimentaria e o seu significado, baseándonos na seguinte información:
A roda dos alimentos é unha representación gráfica que axuda a definir os alimentos que se deben consumir diariamente pola poboación. A imaxe circular - en forma de prato - divide os alimentos en sete grupos de diferentes dimensións, que indican a proporción na que cada un deles debe estar presente na comida diaria. A forma en que se presentan os grupos non os clasifica, dálles a mesma importancia. En esencia, a roda de alimentación só ten como obxectivo advertir sobre unha dieta completa e equilibrada que inclúa elementos de varios grupos e auga, o que presupón a inxestión de maiores cantidades de alimentos pertencentes a grupos máis grandes -e variada-, o que implica unha dieta diversificada, é dicir, dentro dun mesmo grupo, hai que consumir diferentes alimentos.
Para finalizar, elaboramos de xeito oral un menú para un día da semana (almorzo, comida, merenda e cea) seguindo os consellos da roda dos alimentos.