VIVAN AS CASTAÑAS!

As castañas son un moi nutritivo froito do outono.

Ademais de favorecer o equilibrio da glucosa, as castañas aportan minerais como calcio, magnesio, potasio, ferro, fósforo, sodio, iodo, selenio e zinc. Tamén conteñen vitaminas como a vitamina E, vitaminas do grupo B e ácido fólico.

As castañas están vencelladas á historia de Galicia dente tempos ancestrais. Ata a introducción das patacas no noso país, as castañas eran un dos alimentos máis importantes nas casas galegas, de aí que se lle adicasen festas coma o Magosto.

Na clase de 5 Anos A estivemos falando sobre elas para aprender cousas sobre este gran alimento e fixemos algunhas manualidades (unha máscara de castaña, outra de castañeira, un balancín dunha castaña, un adorno de boneco con forma de castaña para colgar, un cestiño para as castañas e unha bolsa de magosto para gardar todo) con motivo da celebración do magosto no cole.

O MAGOSTO

 “Por San Martiño faise o Magosto, con castañas asadas e viño ou mosto”.

 

O MAGOSTO é unha festa tradicional na que os veciños e veciñas preparaban unha fogueira para asar castañas, compartilas e festexar esa noite.

Nós tamén celebramos o noso Magosto con castañas asadas e chocolatada.

Aínda que o tempo non permitiu desfrutar dos xogos tradicionais, degustamos as castañas e o chocolate ben quente cos nosos compañeiros e compañeiras.

O SEMÁFORO DOS ALIMENTOS - 3 ANOS B

Fai uns días, na aula de 4º de Educación Infantil B, comezamos a traballar sobre os alimentos. Nesta ocasión, tras ler o conto "Sabores: un cuento para comer sano", profundamos acerca da alimentación saudable e todos aqueles alimentos que son imprescindibles na nosa dieta para lograr que esta sexa sa, equilibrada e variada. Para elo, elaboramos un semáforo dos alimentos: 

Así mesmo, desfrutamos dun pequeno xogo: deixando voar a nosa imaxinación, e empregando os xoguetes da aula, cada neno/a realizaba unha comida. Entre todos/as intentabamos adiviñar que era e logo, conversabamos sobre se era saudable ou non e imprescindible na nosa dieta. 

OS ALIMENTOS - 3 ANOS B

Na aula de 4º de Educación Infantil B tamén estivemos investigando, no presente curso escolar, sobre os alimentos, o que aportan ao noso organismo, a súa procedencia, os diferentes grupos e a súa denominación e os establecementos nos que podemos mercalos. Todo isto a través de diferentes xogos e propostas lúdicas!

MERENDAS SAUDABLES CON HERVÉ TULLET - 3 ANOS B

Ao longo do curso escolar, na aula de 4º de Educación Infantil B, estivemos promovendo as merendas saudables para o coidado do corpo e un crecemento san. Porén, baseándonos na obra "La cocina de dibujos" de Hervé Tullet, personalizamos uns manteis cos que motivar ao alumnado na práctica dunha correcta alimentación. Todos os días, os nenos/as merendaban empregando as súas fermosas obras! 

FAI CLICK AO TEU BOCATA: 9 DE MAIO

 Con este recurso, o alumnado participante no programa "Aliméntate ben", puido coñecer os beneficios das conservas do mar, incidindo así en hábitos de consumo alimentarios saudables e consumir os bocatas con ingredientes saudables.

Leváronse a cabo diferentes xogos:

- Coller unha comida saudable.

- Unha que proveña do mar.

- Unha saudable.

- Pescar e colocar na late correspondente: 

• Os peixes
• Os cefalópodos (que teñen moitas patas)
• Os que teñen e viven dentro dunha cuncha
• 
  
  
  
  
  
  
  
  
  
  
  
  
  
  
  
  
  
  
  
  
  

Posteriormento poideron disfrutar do seu bocata saudable,

FAI CLIC NO TEU BOCATA en 1ºB!!!

 Xa estamos na segunda actividade do programa do Plan Proxecta Aliméntate Ben e toca poñer en práctica o aprendido sobre unha alimentación saudable: comer peixe varias veces á semana, mellor fresco que en conserva... pero vale xaque  mellor que nada! 

Con esta actividade titulada FAI CLIC NO TEU BOCATA, primeiro escoitamos atentamente a información da man dun dos monitores, logo fixemos uns xogos e para rematar elaboramos, coa axuda da cociñeira, cadaquén o seu bocata elexindo libremente os ingredintes entre varias opcións (pementos, cebola, atún, leituga, aceitunas, queixo ou sardiñas) ademais de lembrar a necesidade de tomar froita e verduras a diario. 

Aquí tamén nos presentaron as mascotas do proxecto:

E agora a xogar cos contidos aprendidos dunha boa e san alimentación:

E por último facer filas para elaborar o noso bocadillo, por iso dicimos FAI CLIC!!

E despois de facelo... a comeloooo!!!!

FAI CLIC AO TEU BOCATA - 4º E 5º DE EDUCACIÓN INFANTIL.

O venres 19 de maio, o alumnado de 4º e 5º de Educación Infantil participou no obradoiro "Fai clic ao teu bocata" dentro do programa "Aliméntate ben". Para comezar, os nenos/as coñeceron aos protagonistas especiais PAN, LATA, BOTE, MOLDE, MILLO e TRILATA quen, ao longo dos talleres, ensinaron aos alumnos/as as propiedades e beneficios das conservas así como a importancia da súa inclusión na dieta habitual; xunto con outros alimentos (froitas, verduras, cereais, etc.). 

Os talleres nos que tiveron a oportunidade de participar foron: 

1º) un xogo de identificación e discriminación de tarxetas coa fin de distinguir entre os alimentos que resultan beneficiosos para o organismo e os que non. 

2º) un xogo de pesca co que se pretendía que os nenos/as identificasen produtos do mar que poden ser consumidos en conservas. 

3º) e finalmente, puideron elaborar un bocadillo san que, posteriormente, degustaron na aula cos seus compañeiros/as. No seu interior, podían poñerlle unha diversidade de alimentos: mexilóns e sardiñas en conserva, leituga, tomate, pemento, queixo, cebola... 

Que obradoiro máis entretido e canto aprendemos!

TI SI QUE ES UN BO PEIXE - EDUCACIÓN INFANTIL

O pasado 9 de maio, o alumnado de Educación Infantil, desfrutou do obradoiro "Ti si que es un bo peixe" dentro do programa "Aliméntate ben". Nel, os nenos/as tiveron a oportunidade de coñecer e identificar diferentes peixes e mariscos, artiluxios de pesca, oficios mariños (peixeira, científica, etc.) así como de descubrir os aspectos saudables do consumo de produtos frescos do mar. 

Así mesmo, puideron desfrutar da realización de dous xogos que tiñan por obxectivo a diferenciación entre un peixe e un marisco e, á súa vez, de diversas especies. Resultou unha xornada do máis enriquecedora, lúdica e amena!