CARTEIS DE HÁBITOS SAUDABLES

O alumnado de 4º A, na área de Proxecto Competencial, elaborou uns carteis con diferentes hábitos saudable. Primeiro, fixemos unha investigación guiada na rede. Despois, anotamos os hábitos saudables que considerábamos máis importantes nun papel. E, por último, a través da aplicación CANVA elaboramos dous carteis co obxectivo de colocalos polos corredores do colexio e así dar a coñecer estes hábitos ao resto dos nosos compañeiros e compañeiras. 

XOGO ALIMENTOS SAUDABLES CON SCRATCH- 4º EP

O alumnado de 4ºA e 4ºB estivo traballando durante seis sesións coa plataforma Scratch. As nenas e nenos de 4º EP aprenderon a planificar o traballo. Elixiron o fondo (escenario), os personaxes (obxectos) e as imaxes que querían incluír. Ao final, foron capaces de crear un xogo para distinguir os alimentos saudables e non saudables. 

Queremos deixarvos aquí unha mostra dun deses xogos. Se queredes probar o xogo de Scratch , premede en: Acceso ao xogo. 

TALLER SENSORIAL FRUTÍFERO - 4 ANOS B

Á volta das vacacións de Semana Santa, o alumnado de 5º de Educación Infantil B, comezamos a traballar o continente de Oceanía. En base a iso, o pasado xoves 4 de abril, realizamos un taller sensorial coa fin de descubrir, por medio da estimulación dos sentidos (especialmente tacto, gusto e olfato), diferentes froitas típicas de alí. Así poidemos experimentar o olor, o sabor e o tacto de alimentos como o coco, a piña e o plátano; entre outros. Ata descubrimos un cereal intruso: o arroz! Finalmente, profundamos na importancia da inxesta destes alimentos para o noso organismo. 

ALIMENTACIÓN SAUDABLE_ 4ºA

 O alumnado de 4º A, en relación ao proxecto "Aliméntate ben", na área de Ciencias da Natureza e de Educación Plástica, realizou dúas actividades relacionadas coa alimentación saudable. 

ACTIVIDADE 1: PRATO DE HARVARD

Cada alumno/a da clase deseñou o seu prato de Harvard. A través deste método distribuimos de forma equilibrada todos os alimentos. Dividimos o prato en tres partes: 50% verduras, hortalizas e froitas, 25% proteínas e 25 % hidratos de carbono. 

ACTIVIDADE 2: CLASIFICACIÓN DE ALIMENTOS

Elaboraron na clase un mural sobre os alimentos. Nel aparecían os alimentos clasificados segundo a súa orixe, a súa función e os tipos de alimentos. Para a súa preparación escollimos imaxes de diferentes folletos de supermercados co obxectivo de relacionar esta actividade coa súa vida real. Agora, son capaces de identificar os alimentos saudables e os ultraprocesados. 

PRATO DE HARVARD_4ºB

O alumnado de 4ºB deseñou o seu "Prato de Harvard", unha forma de crear comidas saudables e proporcionadas. Desta maneira, recórdasenos que no noso prato, a metade deben ser froitas e verduras, unha cuarta parte hidratos de carbono (favorecendo os grans integrais) e outra cuarta parte proteínas. Debemos procurar usar aceites vexetais saudables, como o aceite de oliva e beber auga suficiente, procurando eliminar da nosa dieta as bebidas azucaradas.

Neste collage queda unha pequena mostra de catro pratos saudables.

CLASIFICAMOS OS ALIMENTOS_4ºB

O alumnado de 4º B, realizou este mural onde aparecen os alimentos clasificados segundo a súa orixe, a súa función e como se prepararon antes de consumilos. Chegamos á conclusión de que debemos evitar os alimentos ultraprocesados e procesados e mirar de consumir os alimentos que case non foron manipulados. 

PIRÁMIDE DOS ALIMENTOS (3º B)

 Aproveitando a reciclaxe dos folletos dos supermercados, reutilizámolos para recortar diferentes

 alimentos e compoñer así a "Pirámide Alimenticia".

Aprendemos en que consiste unha pirámide de alimentos e cales son as racións recomendadas de cada un.

Quedounos así de bonita!

ALIMENTACIÓN SAUDABLE (3º B)

 Os rapaces e rapazas de 3º B elaboraron este mural de aula, por grupos.

Un grupo encargouse de completar o "Encrucillado alimentario", outro de reconstruir o "Nutriplato" e o outro grupo de conseguir chegar á meta do "Laberinto dos alimentos".

A FESTA DO QUEIXO

 Cada ano, na primeira fin de semana do mes de marzo celébrase en Arzúa a Festa do Queixo. 

Con este motivo, parte do alumnado do Ciclo de EI da EFA de Arzúa veu á nosa aula de 5 Anos A do CEIP de Arzúa para falarnos sobre as vacas e a súa importancia na paisaxe, na economía e na alimentación en Galicia.

Todo isto fixérono mentras xogamos ao "Twister do Queixo" e decoramos uns debuxos dunhas vacas.

E déronnos unhas medallas por facelo tan ben! 

LIBRO DE RECEITAS CREATIVAS E SAUDABLES

 O alumnado de 6°A de Educación Infantil do CEIP de Arzúa realizou coas súas familias un libro con receitas saudables e con xeitos creativos e divertidos de presentacións para servilas na mesa.

Aquí déixovos unha pequena mostra do traballo. Podedes velo enteiro na bibblioteca do noso centro.

Bo proveito! 

SOPAS DE LETRAS SOBRE HÁBITOS E ALIMENTACIÓN SAUDABLE (3º B)

 O alumnado de 3º B realizou, por grupos, cinco SOPAS DE LETRAS na que os demais compañeiros e compañeiras deberán atopar 8 palabras relacionadas coa boa alimentación e hábitos saudables.

As sopas de letras teñen os seguintes títulos:

- Deportes.

- Alimentación.

- Diversión.

- Froitas e verduras.

- Hábitos saudables.

BINGO DE ALIMENTOS EN 3ºB

 O alumnado de 3º B fixemos un bingo con diferentes alimentos e pasamos un rato moi divertido xogando.

PRATOS TÍPICOS GALEGOS (alumnado de 3ºB)

 Os rapaces e rapazas de 3º B fixeron estes murais relacionados cos pratos típicos de Galicia e os nosos mariscos.

Plasmaron nun mural as imaxes destas comidas tradicionais das nosas cociñas e rotularon os seus nomes.