COMPOSICIÓN CON FLORES E VERDURAS

O alumnado de 3º realizou composicións con flores e verduras. Quedaron así de bonitas!

Esta vai de peixe

Na aula de 3 anos A están a traballar a letra A e aproveitan a facelo con peixes, neste caso a sardiña, aproveitando tamén para coñecer este peixe que aparece no noso menú escolar.

COCIÑANDO! Os nenos e nenas de 4 anos B

Os nenos e nenas de 4 anos B, levaron a cabo unha actividade para "Fomentar a igualdade de oportunidades entre nenos e nenas". Esta actividade levou por título: Cociñamos!

O día 3 de marzo, coincidindo coa semana na que se celebraba o "Día da Muller" nesta aula fixeron galletas de manteiga.

O día anterior, o 2 de marzo, foron a un supermercado da vila para mercar os ingredientes que necesitaban para a elaboración da receita. Esta visita está colgada no blogue de Aliméntate ben.

Unha vez mercados os ingredientes, na aula pesáronos por equipos. Pesaron a fariña e o azucre, posto que a manteiga viña en paquetiños e cada equipo colleu un. Precisaron tamén unha "pizca" de vainilla.

Cada equipo púxose a medir.

Logo, o propio día 3, nunha mesa tod@s xunt@s, pero dividida a clase en 4 pequenos equipos, foron elaborando a masa para as galletas:

- Incorporaron o azucre e manteiga nun recipiente.

- Logo, incorporaron unha pizca de vainilla e a fariña.

Tod@s ían amasando por turnos cada vez que se incorporaba un novo ingrediente. Tod@s incorporaron parte dos ingredientes e tod@s amasaron.

Cando xa tiñan a masa feita, levárona á cociña do comedor escolar para meter na neveira e que enfriara 1 hora.

Cando xa estaba fría, puxéronse de novo na mesa grande e foron facendo as galletas con moldes, e cada un tivo que facer a inicial do seu nome coa masa.

Para rematar, foron de novo á cociña, donde a cociñeira e o cociñeiro lles axudaron a meter e sacar as galletas do forno.

Pola tarde, degustáronas na aula e repartiron as sobrantes en pequenas bolsiñas para levar a proba ás súas familias. Tamén repartiron para aquel@s compañeir@s  que  ese día non foron ao cole.

Con esta actividade preténdese inculcar que todos e todas podemos facer o mesmo, que non hai profesións exclusivas dun sexo.

Loitamos pola igualdade de xénero!!!

Proceso de elaboración e cata do queixo

O día 27 de febreiro tivo lugar no colexio unha cata de queixo para alumnado de 6º de primaria, a través do Consello Regulador de Denominación de Orixe Protexida ARZÚA-ULLOA. Proxectouse un vídeo onde se viu o proceso de elaboración do queixo e distintos tipos de queixo, empregando a pasteurización.

Os ingredientes do queixo de denominación de orixe son:

- O leite producido na zona.

- Sal.

- Fermentos lácteos ou bacterias lácteas.

- Callo ou presoiro.

O callado lévase a cabo nunha cuba e empréganse as Liras para cortar a callada, que unha vez cortada (sepárase leite e soro) elimínase da cuba a maior parte do soro.

Coa callada énchense os moldes, facendo queixos de entre 1/2 Kg e 3 kg e medio. Ponse gasa para eliminar o soro do queixo e métense na prensa, onde estarán mínimo tres horas.

Para a maduración do queixo utilízanse cámaras de ambiente controlado. O tempo mínimo para poder levar a contraetiqueta (certificado individual) é de 6 días.

Este queixo, ao levar fermentos lácticos, non caducan, teñen unha data de consumo preferente. Os que non levan fermentos lácticos sí que caducan.

Na cata empezamos polo sabor máis suave e rematamos co máis forte. Catamos queixos de:

- Un día.

- Unha semana.

- Un mes e medio.

- Un ano e medio.

As propiedades nas que nos paramos na cata foron: avaliación sensorial do aroma, avaliación sensorial do sabor, grao de rugosidade da superficie, grao de humidade da superficie, elasticidade, sabor da masa do queixo, características xeométricas na boca (granulidade)...

Visita a un supermercado da vila para mercar os ingredientes dunha receita

O xoves 27 de febreiro de 2020, os nenos e nenas de 5º de Infantil B foron ao supermercado da vila para poder mercar os ingredientes necesarios para elaborar galletas, actividade que desenvolveron o mércores 3 de marzo. 

Aproveitando a saída pola contorna, foron vendo os diferentes edificios e tendas que atopaban polo camiño (cuartel da garda civil, taller de coches, zapatería, ferretería...) e unha vez que chegaron ao supermercado foron visitando as diferentes seccións e vendo o que nelas había. 

Pasaron pola froitería, pastelería/panadería, charcutería, carnicería e pescadería. 

Os nenos e nenas non sabían como se chamaba a sección onde estaba o "chourizo, xamón, mortadela..." polo que lle preguntaron á dependenta, a cal lles explicou que todos eses produtos tiñan un nome común que era "fiambre" e que estaban na charcutería.

Logo pasaron pola pescadería e os nenos e nenas pensaban que había polbo, preguntáronlle á dependenta e ensinoulles un pequeno polbo e unha pota, explicándolles a diferenza entre eles. Tamén puideron ver que había peixes de diferentes tamaños.

A derradeira zona pola cal pasaron foi a dos produtos de repostería, que estaban ao lado das neveiras, onde tiñan que coller manteiga. Pero chegados a esa zona, non atopaban un dos ingredientes, polo que lle pediron axuda a outra das dependentas, a cal os levou a outra zona onde estaba o produto.

Para rematar, pasaron pola caixa e meteron a compra nunha bolsa reutilizable que levaban.

Pasárono xenial!