O día 9 de xuño tivo lugar no noso centro o obradoiro "Fai click ao teu bocata".
A finalidade deste obradoiro é traballar os seguintes obxectivos:
- Transmitir aos nenos e nenas de Educación Infantil a importancia dos produtos en conserva, do peixe e do marisco na dieta, en relación coas súas achegas nutritivas.
- Fomentar o seu consumo, de forma saudable e atractiva.
- Potenciar o consumo de produtos do mar en conserva entre os nenos e nenas.
- Espertar o interese polo medio mariño e as súas especies.
- Coñecer a procedencia dos productos do mar en conserva e a súa clasificación.
- Coñecer a transformación dunha materia prima nun alimento elaborado.
- Coñecer os beneficios das conservas de produtos do mar.
- Adquirir hábitos de alimentación axeitados.
Para iso faláronnos dos produtos do mar: a sadiña, o calamar, o atún...
Ensináronnos como se pescan (artes de pesca)e presentáronnos a dúas familias:
- LATA E A SÚA FAMILIA: BOTE E TRILATAS. Representan o conxunto de produtos mariños en conserva.
- PAN E A SÚA FAMILIA: MILLO E MOLDE. Representan o conxunto de produtos do mundo panadeiro, ampliando a variedade de panes cos que poder facer bocatas.
No hay comentarios:
Publicar un comentario