O alumnado de 3º B realizou, por grupos, cinco SOPAS DE LETRAS na que os demais compañeiros e compañeiras deberán atopar 8 palabras relacionadas coa boa alimentación e hábitos saudables.
As sopas de letras teñen os seguintes títulos:
- Deportes.
- Alimentación.
- Diversión.
- Froitas e verduras.
- Hábitos saudables.
O alumnado de 3º B fixemos un bingo con diferentes alimentos e pasamos un rato moi divertido xogando.
Os rapaces e rapazas de 3º B fixeron estes murais relacionados cos pratos típicos de Galicia e os nosos mariscos.
Plasmaron nun mural as imaxes destas comidas tradicionais das nosas cociñas e rotularon os seus nomes.
O xoves 29 de febreiro, con motivo da celebración da Festa do Queixo na nosa vila (Arzúa), os nenos/as de 4 anos recibimos nas nosas aulas aos alumnos/as do ciclo de Educación Infantil da EFA Piñeiral. Grazas á súa visita adquirimos moitos coñecementos sobre o queixo: a familia de alimentos á que pertence, o seu proceso de elaboración e os ingredientes imprescindibles para levalo a cabo, denominacións e diferentes etiquetados. Todo isto, facendo especial fincapé nun derivado lácteo de gran importancia: o queixo Arzúa-Ulloa.
Pasamos unha divertida mañá xa que ao longo da visita puidemos desfrutar de contos, actividades interactivas, cancións e bailes.
Os nenos e nenas de 3°, 4°, 5° e 6° de Educación Primaria do CEIP de Arzúa, co motivo do Día da Paz, fixeron na clase de Relixión un mural moi "froiteiro" que titularon "Paz Frutífera", con debuxos de froitas e palabras relacionadas coa paz.
Neste traballo quixeron amosar que para acadar a Paz temos que alimentala de froitas que conteñan un importante aporte vitamínico de respecto, perdón, xenerosidade, bondade...e con un alto contido na fibra do Amor cuxo principal beneficio é o mellor funcionamento do noso mundo.
Animámosvos a consumir estas saborosas e saudables froitas que vos darán moita enerxía positiva e traerán moita Paz ás vosas vidas.
O alumnado do segundo curso de Primaria do CEIP de Arzúa fixo unha saída didáctica a un supermecado da vila para que coñeceran de primeira man onde atopar os produtos de alimentacion saudable no establecemento, normas de hixiene...
Coñeceron tamén o EPI usado na carnicería. Degustaron un petisco saudable elaborado a base de froitas e lácteos (bebibles) e finalmente recibiron un agasallo (bolsa, lápiz para plantar unha hortaliza, froita, auga e vale desconto).
O pasado 20 de decembro, o elfo Pompón, propúxonos como actividade navideña a elaboración dunhas galletas de Nadal. Antes de poñernos mans á obra, profundamos no coñecemento da receita e as partes que a conforman. Así mesmo, detivémonos na exploración dos ingredientes que iamos empregar facendo fincapé na súa procedencia, nas súas propiedades e texturas e no seu beneficio para o noso organismo. Tras isto, comezamos a elaborar conxuntamente a masa traballando conceptos matemáticos, como as medidas e cantidades, dun xeito entretido:
Logo, estimulamos a motricidade fina convertendo cada galleta nun obxecto de Nadal e, cando xa tiñamos a bandexa chea, acercámonos xunto a cociñeira Cris para metelas ao forno.
Finalmente, degustamos a nosa receita á hora da merenda. Que ricas nos saíron!! Grazas Pompón, por propoñernos un momento tan divertido.
O pasado 31 de outubro, aproveitando a festividade do Samaín, o alumnado de 5º de Educación Infantil B preparamos e degustamos unha merenda do máis terrorífica e especial. Previamente, profundamos no coñecemento dos alimentos que íamos empregar facendo fincapé na súa procedencia e no seu aporte nutricional ao noso organismo así como a regularidade coa que deben ser inxeridos. Logo, procedemos á súa manipulación deixando voar a imaxinación e caracterizando os alimentos da festividade que estabamos a celebrar. E aquí o resultado:
Que momento máis agradable pasamos e que merenda máis rica elaboramos!
As castañas son un moi nutritivo froito do outono.
Ademais de favorecer o equilibrio da glucosa, as castañas aportan minerais como calcio, magnesio, potasio, ferro, fósforo, sodio, iodo, selenio e zinc. Tamén conteñen vitaminas como a vitamina E, vitaminas do grupo B e ácido fólico.
As castañas están vencelladas á historia de Galicia dente tempos ancestrais. Ata a introducción das patacas no noso país, as castañas eran un dos alimentos máis importantes nas casas galegas, de aí que se lle adicasen festas coma o Magosto.
Na clase de 5 Anos A estivemos falando sobre elas para aprender cousas sobre este gran alimento e fixemos algunhas manualidades (unha máscara de castaña, outra de castañeira, un balancín dunha castaña, un adorno de boneco con forma de castaña para colgar, un cestiño para as castañas e unha bolsa de magosto para gardar todo) con motivo da celebración do magosto no cole.
.jpg)
.jpg)
.jpg)
“Por San Martiño faise o Magosto, con castañas asadas e viño ou mosto”.
O MAGOSTO é unha festa tradicional na que os veciños e veciñas preparaban unha fogueira para asar castañas, compartilas e festexar esa noite.
Nós tamén celebramos o noso Magosto con castañas asadas e chocolatada.
Aínda que o tempo non permitiu desfrutar dos xogos tradicionais, degustamos as castañas e o chocolate ben quente cos nosos compañeiros e compañeiras.
.jpg)
Na aula de 4º de Educación Infantil B tamén estivemos investigando, no presente curso escolar, sobre os alimentos, o que aportan ao noso organismo, a súa procedencia, os diferentes grupos e a súa denominación e os establecementos nos que podemos mercalos. Todo isto a través de diferentes xogos e propostas lúdicas!
.JPEG)
